मॉडेल

जेंव्हा जेंव्हा मी ओजसचे फोटो मित्रांना दाखवतो, सगळे म्हणतात "मॉडेल आहे एक नंबरचा, मॉडेलिंगला का नाही घालत त्याला? टि.व्ही., ऍड्स मध्ये चमकेलच, अगदीच नाही तर निदान मॅगझिन्स मध्ये तरी फोटो येतीलच"

मला अगदी पटतं त्यांच म्हणणं, खरंच आहे ते. पण ओजसला मॉडेलिंग किंवा त्या क्षेत्रात घालवुन मला त्याच्यापासुन त्याचे बालपण नाही हिरावुन घ्यायचे आहे. टि.व्ही. वर बघतो मी कित्ती बारकी बारकी मुलं नाचत असतात, रिऍलीटी शोज मध्ये भाग घेत असतात पण असं मनोमन वाटत रहातं ह्या सगळ्या व्यापात त्यांचं बालपणं कुठे जाईल कळणारच नाही. काय हक्क आहे आपल्याला असं करण्याचा? मग आपल्यात आणि पैश्यासाठी रस्त्यावर बाजार मांडणाऱ्या डोंबाऱ्यात काय फरक?

एकदाच घालुन बघु मॉडेलिंग मध्ये, मग एकावरुन दुसरं मग तिसरं आणि मग ते चक्र सुरुच होते. त्या चक्रात फिरतानाच मागे अभ्यासाची ओझी सांभाळायची. त्यातच चुकुन त्यांच्या डोक्यात हवा शिरली तर मग काही विचारायलाच नको.

माझा माझ्या मुलावर पुर्ण विश्वास आहे आणि मोठेपणी जे काही क्षेत्र तो निवडेल त्यात तो नक्कीच यशस्वी होईल. मग करीयरच्या गोंडस नावाखाली आत्तापासुनच का मी त्याला कामाल लावु? त्याचे हे कोमल बालपण एकदा गेले की परत कधीच येणार नाही, त्याच्यासाठीही आणि आमच्यासाठीही. त्याची मस्ती, तोडफोड, रुसवे-फुगवे, रडारड, हास्याचा खळखळाट सगळं काही खुप आहे आमच्यासाठी.

मॉडेलिंग त्याच्या नशीबातच लिहीले असेल तर मोठेपणी ते त्याला मिळेलच मग आत्तापासुन कश्याला?

काही जणं म्हणतात "तु त्याचे पोटेंशिअल्स इग्नोअर करतो आहेस", "तो जे डिझर्व करतो ते तु हिरावुन घेऊ पहात आहेस". पण मला तरी नाही पटत ते. असु देत तसं असेल तर.. आय डोन्ट केअर :-)

Comments

[sureshpethe]

[this is good] अगदी योग्य विचार केलाय तुम्ही आणि तोच कायम ठेवा !

[अनिकेत समुद्र]

धन्यवाद सुरेशजी. चला कोणी तरी भेटले ज्यांना माझा विचार योग्य वाटतो आहे.